صحوة حلم للراقي عز الدين الحميري

صحوة حلم:
زرعت بستان القلب غصون شوق وغرام
ووصيت نهر غلاك يجري ويروي روابيه
ذاك اللي بين حنايا الضلوع يطلب وئام
غير الله هو اللي داري بحاله واللي فيه
كنه ناسك وعابد نهاره وليله في صيام
قظرة من وصالك هي من ينعشه ويحيه
ولا طيفك من يداعب حالي اسمع سلام
بصوت الريح ومع كل نسمة شوقي يباريه
بساح غرامك تراني خيال وفارس همام
اشق رياح الصحاري وكل فارس أجاريه
بتالي الليل وياويل تالي الليل والخصام
بين عيني وقلبي والحشا واللي يحتويه
هالحال ماينوصف بأيام وشهور وأعوام
وش رايك يكون دايم ينذكر وينحكى بيه
بكل حرف وشطر وبيت طوعت الأقلام
لأجل خاطرك ورضاك وانت ذكره وطاريه
مادريت انك صحوي ومنامي والأحلام
انت أصلها وروحها وكل تفاصيلك عناويه
ياشمس نهاري وقمر ليلي وماحي الظلام
دربي ودربك واحد وانت نوره وضاويه
لسير كل هلي وصحبي وخوالي والعمام
وكل خلق الله جاهة لهلك ولك قلبي أهديه
من يشوف هالكلام والوصف لايقول حرام
ترى الوصف غير الشوف والتجربة تكفيه
                    @عزالدين الحميري@